Policia e Kosovës ka kërkuar ndihmën e qytetarëve për identifikimin dhe arrestimin e një personi të dyshuar për vjedhje të rëndë.

Në njoftimin e lëshuar, thuhet se njësiti i hetimeve të stacionit policor të Podujevës, me autorizim nga prokuroria kompetente, kërkon informacion nga qytetarët për të ndihmuar në identifikimin dhe kapjen e personit të dyshuar, i cili është shfaqur në fotografi.

Policia ka ftuar çdo qytetar që ka ndonjë informacion të lidhur me rastin të kontaktojë me ta në numrin e telefonit 192.

“Njësiti i hetimeve të stacionit policor të Podujevës, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi. I dyshuari kërkohet për veprën vjedhje e rënd”, thuhet në njoftim./Arbresh.info